-
La jornada a la bastida Madama (lo 7 de febrièr de 2013)
La jornada a la bastida Madama : escrit e legit per la classa tota(Loïc, Johane, Clément, Matthias, Nathan, Chloé, Aurélien, Sacha, Sandra, Tamara L., Margot, Matéo, Julien, Naoual, Lilian, Yohan, Angélique, Hugo, Shana, TamaraJ. et Nathan, Angélique).
Dijòus lo 7 de febrièr sèm anats a la bastida Madama en autobús.
Lo matin, sèm tornats veire la nòstra vinha plantada dins l’òrt lo còp passat (lo 15 de novembre de 2012).
Aviá perdudas totas sas fuèlhas (es lo periòde de « dormança »).
Foguèt pas podada perçò qu’es tròp jove.
I aviá pas mai la conca si que non l’aiga qu’es dedins auriá torrada e degalhada la vinha.
Anne-Marie e Marc la tornaràn far a la prima.
Avèm tanben vist lo semenador e lo compostador.
(lo semenador)
(lo compostador)
Puèi, avèm semenadas de granas. Avèm botat de compòst dins un pòt,
avèm fait de traucs : pas prigonds per las granetas pichonetas coma las d’escaròla,
cinc traucs un pauc mai prigonds (1 cm, 1.5cm) per las de rafe,
e dos traucs prigonds per las granas de peses.
Avèm tornat tapar los traucs amb de compòst puèi avèm asagadas las granas.
Avèm pres 7 pòts e n’avèm daissat 13, per las veire créisser.
Avèm jogat al jòc de las tres familhas de legums : los legums-racinas (manjam la racina coma lo rafe), los legums-fuèlhas (manjam las fuèlhas coma la doceta) e los legums-fruchas (manjam la frucha coma la poma d’amor).
Aprèp, avèm espinchat de compòst.
Avèm agachat las bèstias del compostador.
Avèm après çò que cal metre dins lo compostador (tot çò qu’es vegetal), çò que cal metre dins la saca de tria (lo plastic) e dins la bordilha (lo descai).
Avèm manjat lo rechauchon.
La tantossada, avèm pres de fotòs en trin de sautar,
un autoretrait,
lo retrait d’un amic e una fotò d’una causa que nos agrada. Las avèm cargadas sus l’ordenator dins un dorsièr.
Avèm fait de fotogramas amb d’objèctes personals.
E cric e crac, la jornada es acabada,
E crac e cric, la jornada es finida…
-
Commentaires