Lo Canal de Riquet

Lo 17 d’òctobre, la classa anèt als arquius municipals per visitar l’exposicion sul Canal de Riquet.

Mercé a la mameta de Clement W, que nos acompanhèt, e a Alan Roch-Riquet que nos contèt de contes e que nos faguèt visitar l’exposicion.

Vaquí de frasas de dròlles de la classa.

“Alan èra desguisat en Pèire Paul Riquet.” Chloé

“Avèm parlat de las esclusas e de batèus.” Jade                    

“Alan nos a fait gaitar la television.” Edouard

“Alan nos a contat un conte que parla del Canal de Riquet.” Clément A

“Alan nos a explicat ont caliá estacar lo batèu e avèm gaitada una fotografia ont i aviá d’aiga.” Alix         

“Avèm gaitat una fotografia amb d’aiga e una règla per mesurar la prigondor de l’aiga.” Margot

“Avèm vist de fotografias amb de gents que s’ocupavan de las esclusas." Clément W             

“Dins lo conte, se parlava de piratas, de Carcassona e de Narbona.” Maxime

“Dins lo conte, un gigant aviá doas pèiras sus l’esquina e las voliá portar duscas a Tolosa mas s’arrestèt a Nauroza.” Shanà